مقام‌های امنیتی در ولایت جوزجان،می‌گویند که جنگ‌جویان اوزبیکستانی، از باشندگان این ولایت سربازگیری می‌کنند.

روزنامه سیاه و سفید:
صمد خان، فرمانده‌ی گارنیزیون شهری شهر شبرغان و یکی از فرماندهان وابسته به مارشال عبدالرشید دوستم،  می‌گوید که شماری از فرماندهان طالبان که شهروندان اوزبیکستان اند، در ولسوالی درزآب این ولایت جابه‌جا شده و از مردم محل سرباز‌گیری می‌کنند.
به گفته‌ی او، ولسوالی درزآب تحت کنترل جنگ‌جویان طالب است و پیش از این نیز در این ولسوالی، شهروندان چچینی و اوزبیکستانی فعالیت داشتند.
در همین حال، عبدالغنی نظامی، فرمانده‌ی لوای دوم پیاده‌ی قول اردوی ۲۰۹ شاهین، با تأیید این موضوع، به روزنامه‌ی صبح کاب می‌گوید که در حال حاضر، رهبری جنگ در شهر شبرغان، مرکز ولایت جوزجان را شیخ مطیع‌الله، یکی از فرماندهان پاکستانی گروه طالبان رهبری می‌کند.
گفتنی است که از دو ماه به این سو، جنگ میان نیروهای دولتی و جنگ‌جویان طالب در ولایت جوزجان جریان ‏دارد. در این مدت، جنگ‌جویان طالب، موفق به تصرف ۹ ولسوالی این ولایت شده اند.‏