پربیننده ها

مارا در فیس بوک دنبال کنید

زمین-دولتی

معاون اداری ولایت سمنگان: سه هزار جریب زمین دولتی را از چنگ مافیای زمین بیرون کردیم

۰۳ عقرب ۱۴۰۱

مقام‌های محلی امارت اسلامی طالبان در ولایت سمنگان از استرداد سه هزار جریب زمین و علف‌چر دولتی در این ولایت از چنگ مافیای زمین خبر می‌دهند.

احمد خان خادم، معاون مالی و اداری والی سمنگان می‌گوید که برای بازپس‌گیری زمین‌های غصب‌شده دولتی یک کمیسیون شش نفری ایجاد شده است.

به گفته او، این کمیسیون طی یک ماه توانسته است که بیش از سه هزار جریب زمین دولتی و علف‌چر را در ولسوالی‌های حضرت‌سلطان و فیروزنخچیر استرداد کند.

غصب زمین‌های شخصی و دولتی از سوی زورمندان در بیست سال گذشته یکی از مشکلات عمده دانسته می‌شود.